曬

今日真係曬到暈.約咗肥仔朋友去原宿食蛋包飯,然後去行裏原宿.熱辣辣行出街,逛咗兩個幾鍾...之後返新宿會合網友甲君食下午茶...咁食法,點會瘦呀...唉~三條友傾到不知時日,話咁快又五點幾.突然醒起六點鍾要返到傻家等人送嘢o黎...乍乍林埋單走人,同網友甲君去超市買啲肉,然後飛返傻家...好在宅急便仲未到...煲埋煲湯,電話就到,即刻落樓收貨...原來係代蝸牛朋友買o既嘢.晚餐懶懶地,求其一鑊熟就算...

一時唔記得黃金周要出游,仲走去買咁多肉喎...作死囉...點算呀?唯有狂食囉...真係捉蟲喇今次...