久違了的...

今日落咗成日雨...氣象局預測今日只會落微雨,點知就不停咁"暴雨"...好在冇狂風啫...由於要續証,所以要去傻家附近間特別出張所拎張"登錄原票記載事項証明書".擺低三百円拎走張印咗幾行字仔o既紙之後,走咗去入貨.出門口前,驚自己會失控大量入貨,所以寫咗張清單.去到超市見到好多嘢都想買喎...可能落雨o既關係,唔多想拎嘢...結果買咗清單上o既嘢,再加多幾樣就收手返歸.今次個雪櫃冇爆,但係傻馬之後打開個雪櫃嗰陣話個雪櫃好多嘢...梗係喇...煮飯喇嘛...

煲落煲靚湯,又走出去買嘢...去藥房買日用品,再去一百円店買雜貨.見傻馬差唔多返到,即刻煲飯煮餸...

久違了的兩餸一湯,白飯冇得再裝!傻馬話個雜菜番茄汁好"羅宋湯",好正喎...啲雞扒塊皮好脆,好味!湯葉刺身其實係鮮腐竹,好香大豆味,正!!!傻馬好耐冇食住家飯,所以食得好開心.係咁好味好味...氹到傻魚好鬼開心!!!聽晚煮乜好呢?