今朝少有地瞓咗八個鍾至彈起身.洗完機衫執埋間屋就起程去續証.點知去到個阿姐話傻魚個簽證仲有半年,唔畀續.搞錯...抬咗盤桔去品川運吉!阿姐叫傻魚九月十號打後再返去續証,不過傻魚八月中返香港兩個月喎...阿姐就話八月傻魚o黎續証嗰陣要交理由書,寫明點解要提早續証喎...麻鬼煩呀~搭巴士返品川駅食咗個美味下午餐,跟住返傻家洗多機衫.難得咁好太陽喇嘛...
呢排成日落雨,搞到啲桜花都冇晒...原本聽日或後日有活動,最後都係要延期.空咗個周末,傻馬話要出遊!臨時臨急上網訂酒店,聽朝神早起程喇!去邊?星期日至公報~呵呵!
今晚諗住整餐勁o既...點知傻馬話要出遊,所以就清咗傻馬之前買落o既食物.
想傻馬食多啲菜,所以就求其整咗個雜菜豆腐.個湯葉好好味.下次去日光一定會再買.傻馬話間唔中啲大商場會有啲乜乜食品節,間唔中都會有得賣喎.咁得閒要去多啲大商場喇...
沒有留言:
發佈留言