久違了的約會

返咗o黎東京咁耐,今日終於見到小朋友喇!尋晚興奮到瞓唔到...結果今朝起唔到身...遲到...去到惠比寿已經十二點半.食完個晏仔,行過隔離飲咗杯啤酒.之後網友甲君走先,傻魚,肥仔朋友,網友媽咪同小朋友行咗一陣.小朋友玩到攰瞓咗之後,搵咗間嘢坐低...

網友媽咪個下午茶...好靚~個汁好酸...

肥仔朋友個下午茶,好飽肚下...

傻魚呢份都好精緻.食完之後就各自返歸...傻魚入完貨返傻家塞爆個雪櫃.執執下位,發現一磚豆腐,過咗期兩日...應該食唔死人啩...

乍乍林煮埋個豆腐...炆雞...好味!個祛濕湯甜甜地好過癮...見傻馬食得好開心,傻魚都好開心.呵呵~