花見@新宿御苑

話說阿肥仔朋友o黎東京搵學校讀日文,咁傻魚見肥仔朋友一場o黎到,咪帶肥仔朋友去睇下桜花囉...先食個晏仔先...肥仔朋友話想食日式咖哩...

仲要叫個加大芝士...結果就食到想嘔...食飽就行去新宿御苑,擺低二百円入去睇花...

入口附近竟然有三棵紅葉喎...

傻魚勁鍾意呢棵樹,如果傻家門口有棵咁o既就好喇...

粉紅色葉o既樹仔...好得意...

啲桜花樹開始生葉,睇怕啲桜花好快會謝晒...

呢棵好"盆栽"...

真係寫意...

唯一一棵白色桜花樹...

啲桜花樹好特別...

好似好多粉紅球掛咗喺度咁...

好多人喺啲桜花樹底野餐抖掠...

唔知乜花...開得好靚...

靚景~
行咗兩個幾鍾之後就去咗時代廣場.咁啱網友甲君打o黎搵傻魚飲茶,就約喺東京手見,然後去太子酒店附近食下午茶.原本諗住等埋傻馬一齊去食嘢.後來因為肥仔朋友今日唔記得帶鎖匙,若果食得夜得滯,肥仔朋友冇門口入就唔好喇...結果就改聽晚喇...返到傻家七點幾,煮唔切飯仔,咁咪...

求其炒碟意粉...啲色就好靚,不過就淡咗啲...下次要落多啲鹽至得...