熱氣流

尋日去買新幹線飛,竟然冇晒位喎...尋晚同傻馬研究返成個鍾,決定去大宮搭.今日做完家務即刻驅車去買飛,有位不過要分開坐...希望會遇到好心人肯換位喇...買完飛,了結咗件心事,然後去咗二手書店買漫畫.
返到傻家睇新聞,今日竟然有個地方o既氣溫高逹三十幾度...嘩~有病呀!!!真係講都唔信,係北海道呀!!!熱氣流令北海道一夜間由初春變仲夏.不過聽日又會凍返...咁o既天氣真係人都癲,想唔病都唔得...東京今日廿五度,傻家呢頭就陰陰地有風.咁o既天氣最啱驅車,真係好舒服.
仲有兩日就出游,要狂清雪櫃...

今日清咗帶子,滑滑豆腐,豆卜,魚餅,一半雜菌,一半肉碎...得返聽晚一餐,仲有好多嘢未清...點算?