恐龍大陸

由於傻魚唔係咁舒服,所以今日晏咗起身...出門口嗰陣已經十一點.先去新宿睇下有冇平入場券買...行咗幾間都話賣晒...咁人氣?!!冇計...直接去到現場至買囉...去到已經成點鍾.擺低二千五百円一位,一行入去就見到個牌話唔準影相...吓?

好多人...見到唔少人影相,傻馬都唔理個牌影埋一份.

好大嚿骨...

長頸...龍?!!

去到邊都好多人...

除咗骨,仲有唔少化石...

全場最大...

好似識郁咁...

似唔似雞蛋仔呀?

連啲牙都保存得好好...

似郁o架...遲啲放條片上o黎...睇咗兩個幾鍾,之後就去附近行商店.傻馬買咗個袋仔畀傻魚,勁開心呀!!!其實仲睇中咗對波鞋,不過今次買咗個袋仔,對鞋就留返下次至買...一次過買咁多嘢,好似好重手咁...呵呵~
有興趣o既朋友,呢個恐龍展仲有一個星期,直到五月十八號.想睇就趁早喇...地點喺海浜幕張.
返到傻家求其整咗個麻婆豆腐...用咗"你禁忌"個醬...難食~但係仲有包,點算好?
同場加映:

傻魚見到位"黑褸怪俠"...

行徑怪異,四周圍喺啲媽媽背後逗啲仲未識講嘢o既細路玩...

有時仲會"懶型"咁行o黎行去...傻馬一見怪俠行過就影...好搞嘢...