先去駅睇下幾點有車...等咗大概半個鍾至有車...
呢架單人駕駛電車得一條路軌,所以要個半鍾至有一班車...
四十分鍾後到逹呢個冇人o既駅...轉的士...呢個地方得兩架的士.第一架畀人搭咗,咁傻馬同傻魚就乍乍林上第二架.有兩個叔叔嬸嬸即刻嗌住傻魚架的士,然後問可唔可以一齊搭...冇所謂喇...都係去同一個地方啫...去到個嬸嬸好好人,唔肯收傻魚o既錢.咁就慳咗千幾円喇~哈哈!
呢度係邊?上咗山...
有個大石壁...
成個山頭得一棵桜花樹...仲開緊o架...
都唔係好高啫...
咪就係呢度囉...
擺低銀兩...
經過條長走廊...
入洞喇~
咪又係睇鍾乳洞囉...
呢個同上次嗰個唔同...呢個好行好多...
好恐怖呀~
怕怕...
行行下開始有啲窄巷...
有燈射住...
基本上啲路都幾好行...
唔怪之得覺凍喇...即刻著返件外套先...
都幾乾淨...
行行下有條分叉路...可以揀繼續行普通o既要上百幾級樓梯,或者探險路線...講明會辛苦少少...傻馬就梗係要探險喇...
一入去就...一地水濕濕...
有個湖仔...
啲路開始窄...
間唔中得啲石級...
傻馬差啲叉落啲水度...好險~
鴨仔行...
好細個通道...
好得意...
嗱~就係咁行咗一小段路...
好多都有名堂...
呢條梯...好難行...
呢個位真係想死...又窄又細又斜...
諗住過咗可以舒服啲...
點知又o黎一個...又要顧腳,又要顧頭,又要顧身...
繼續做矮仔,扮小人...
真係再肥啲都過唔到...(汗)
好在啱啱好過到...
嘩!幾辛苦都係值o架...
幾耐至會變成咁?
本簡介話係經過八千萬年...
無聲無色咁形成咁靚o既景象...
行行下終於o黎到呢個鍾乳洞最"壯觀"o既地方...
似唔似啲乜乜教堂o既天花呀?
真係好靚~
斜塔都有...
好特別...
七彩繽紛...
似啲堡壘o既入口...
金碧輝煌...
正呀!
打埋燈,冇得頂...
行到尾聲呢個位有幻彩燈飾表演...好靚...全程因為傻馬狂影相,所以用咗個幾鍾...
一見返天日就見到啲魚...忍唔住整條魚仔食...好好味~
個鍾乳洞就喺後面座山度...
一場o黎到梗係要上去睇下喇...
雖然知係冇乜嘢睇...行完睇完諗住打電話叫的士...咁啱遇到o黎嗰陣個的士司機叔叔,佢認得傻魚,問傻魚係咪要的士.傻魚話係,阿的士叔叔話轉頭返o黎載喎...又慳返唔使打電話...
返到呢個冇人o既駅...真係一個駅員工都冇,買飛o既機...冇...車飛係上到車有個車掌會追住啲人收錢...到郡山四點幾...唔知去邊好...周圍蕩完一輪就去食啲嘢,然後返酒店拎返啲行李...仲有兩個幾鍾,搞乜好?搵個位上網打網誌囉...淨係上載啲相都搞咗差唔多兩個鍾...好喇...差唔多夠鍾搭新幹線返東京喇...咁就玩咗四日三夜,黃金周咁就過咗喇...
沒有留言:
發佈留言