信越遊之與魚同游

尋晚攰到散晒,完全唔記得要影間酒店同間房...沖完個涼就一覺瞓到今朝十點...勁!求其食咗啲早餐就退房,然後行過去今晚間酒店擺低啲行李.可能係因為尋晚間酒店正,所以梗係覺得呢間有點兒...唔理咁多,起程先...

行返去駅個巴士總站,諗住去故鄉村.點知走咗架巴士,要等半個鍾喎...再加上之前都有去過類似o既地方,最後決定去搭巡環巴士.可惜架巡環巴士遲遲都返唔o黎,好在都仲有普通巴士可以搭去...

水族館!嘩~超多人呀!今日有成三十幾度,想熱死人咩...

入到去行咗一陣就經過呢條"海底隧道"...

好多魚仔...

突然頭頂有團黑影飄過...

嘩~好大條魔鬼魚呀!!!

嚇到啲魚仔走夾唔抖...

唔係鯊魚o既鯊魚...

超大海龜...

好可愛...識笑咁...

唔知乜魚...

個頭好怪...

七彩繽紛o既熱帶魚...

好長喎...

日本風水魚.

早幾日電影介紹過...係蝦o既同黨...

唔知乜鯊...

瞓咗...

又係瞓鬼咗...

扮石仔?

好似有四隻眼...行完室內,夠鍾出去...

睇海豚表演...好開心呀!!!以後行去另一邊...

過咗時間睇唔到啲職員喂佢添...食飽梗係瞓喇...

唔知係海獅定海狗...見夠鍾...

睇呢兩隻唔知乜食嘢...好可愛...啲毛仲好鬼滑...睇完行出去...

咁熱梗係留返喺水度喇...

擺個靚靚姿勢畀你哋影下先...

瞓緊晏覺...

你哋慢慢喇...唔好嘈住我瞓覺...

好多企鵝仔排晒喺度...
就係咁就行咗大半日喇...臨走前行去...

海邊睇日落...之後搭巴士返駅,行咗一陣就返酒店攞房...呢間酒店真係...出面成三十幾度,佢裏面仲開緊暖爐...你話係咪黐線呀?!!上到房摷晒成間房都見唔到個較溫度制...坐咗成個鍾,成個人熱到滾...連傻馬咁唔怕熱o既都話頂唔順,傻魚直頭想死呀!落櫃面問係咪開咗暖爐,佢哋話係...咁傻魚話好熱可以點,佢哋話可以開抽氣扇令房裏面啲熱氣流通...問可唔可以開窗,佢哋話個窗開唔到...咁熱點瞓呀...佢哋話朝早氣溫比較低,有客人話好凍,所以就暖爐...凍可以著多件衫,熱o既就算除晒啲衫都係熱o架!咁熱死嗰啲呢?算!!!肚餓...醫肚先...

上網見啲人話呢間唔錯,試下先...

叫咗個沙律...好味~

呢個都唔錯...

傻魚同雞有仇,又點會唔叫雞...好味~

炒魚塊薯格...傻馬少有地話好味...食完唔想咁早返酒店焗汗,四周圍行咗一陣...

搵到間喺東京未見過o既便利店,買咗兩個包做早餐...之後返酒店...真係好鬼熱...點算...沖完個水涼出o黎唔夠十五分鍾,啲汗已經係咁流...今晚實瞓唔到喇...最慘聽日會全日偏頭痛...仲要係唔記得帶藥...聽朝一定要反映下至得...