重出江湖

已經有一段時間冇出巡,今日見冇乜嘢做就四周圍睇下寫低啲魚鱗...傻魚錯過咗好多精彩o既嘢,以後會密啲出巡o架喇~
今日場兩落到大概兩點鍾至停,傻馬自己一個驅車去新宿睇祭.傻魚...見周圍濕漉漉,又啱啱好返啲,費時又病多兩錢重.留咗喺傻家無所事事,見間屋多塵,吸下囉.之後傻馬話不如去食寿司喎...都好!又唔煮...結果喺傻家附近間天下寿司醫肚.價錢可以接受,啲料就普通不過不失.都係新宿嗰兩間好啲.
同場加映:
病咗咁耐,都唔記得將之前出遊嗰陣買o既嘢啲相擺上o黎...

之前出遊買o既零食...係開咗個圓筒一人試咗兩包,同埋請蝸牛小姐食咗兩包...其他掂都未掂過...

喺水族館,傻馬見到話好得意,所以買咗兩個...結果咪又係擺咗喺個櫃裏面...

都係喺水族館買o既...都係擺咗喺個櫃裏面...