食"大"餐

又話成個星期都陽光普照...點鬼知今日落咗成日雨喎...搞到傻魚今朝洗咗機衫晾咗出去,差啲收唔切要再洗過...落雨濕濕,出街驅唔到車...由於聽朝要出游,所以走咗去駅對面個櫃員機提款.可能因為聽日開始四連休,好鬼多人排隊.排咗半個鍾至入到去.提完錢就去咗一百円店買樽仔裝洗頭水.酒店啲洗頭水唔多好用,都係帶自己嗰啲去好啲...之後去便利店買咗個便當做午餐,然後就返傻家睇電視同執行李.
今日又有巴士意外撞駅...一架巴士喺池袋總站落完客之後兜回旋處去對面站上客時,撞咗埋去個地下鐵入口度...三人受傷,不過好在冇人死亡.呢排真係多呢類意外.個司機話係因為落雨,路面濕滑...但係啲"專家"話唔似係意外,應該係人為...出街,都係小心啲好...
今晚要清晒啲餸...早知叫肥仔朋友上o黎食飯喇...咁咪唔使兩條友食到想嘔...

呢餐,四個人都夠食...兩條友食咗兩個鍾,終於清晒所有餸...當然係飽到上心口喇...飯後傻馬仲有啲海葡萄要清,真係攞命~唉...