大餐

傻魚見天氣開始轉熱,所以尋晚就收起啲羽絨被.諗住摷返張冷氣被出o黎,點知搵咗成晚都搵唔到...間屋有幾大啫...點會唔見o架...結果就用住毛巾被先...
今朝起身,好似冇咳得咁勁喇喎...收到網友甲君話問上野啲電車o既時間...咁啱傻魚又想去上野喎...其實想咗好耐,但係要自己一個人去又梗係提唔起勁...好喇...有個藉口話陪網友甲君去上野,順便去買嘢...呵呵~
去上野仲有乜買呀?咪又係大餃子同埋...海鮮...刺身...傻馬話好耐冇刺身食喎...

傻馬提定要o既魚子...傻魚唔食o既...

呢餐飯係咪好"勁"呢...魚子二百五十円,鰹魚四百三十円,大拖羅五百円,大餃子四百五十円,鰻魚二百五十円...餐飯食咗...一千八百八十円...仲唔係大餐?!!
後記: 啲冷氣被畀傻魚塞咗喺啲舊床舖度...諗咗好耐都唔係好明,點解傻魚會擺喺嗰度...算!!!至緊要搵返有得用...