信越遊之棘手催花

尋晚,傻馬例牌話唔瞓,而傻魚亦例牌話會瞓...結果...傻馬例牌瞓到成隻死馬咁,而傻魚就冇得瞓...今朝五點幾起身執埋啲嘢,六點幾倒完資源就起程去新宿轉車去大宮搭新幹線...次次出門都係落雨...傻魚真係一條富貴魚...

就係呢架雙層新幹線.由於遲咗買飛,只剩下單位...所以上到車即刻問個靚女媽咪可否調一調位.個靚女媽咪好好人,即刻話冇問題.真係出門遇貴人.例牌,兩條友食完個早餐就開始死瞓.兩個鍾後就到逹今次出游o既目的地,新潟!第一時間去酒店擺低啲嘢,之後就開始今日o既行程.先搭車去...

呢個地方...渺無人煙...冇巴士搭去想去o既地方,唯有好豪咁搭的士...

沿途景色全部都係稲田...十分鍾後終於到逹目的地,使咗二千一百九十円...

入口附近好多屋台.有傻馬至喜歡o既燒餅...今日去咗邊?咪去咗長池公園睇花囉...呢個公園,如果冇車就千祈唔好去...因為走時超麻煩...

一行到入去,眼前一遍黃海...

呢啲係菜花.

大到可以整個迷宮畀人玩...當然,唔會淨係o黎睇菜花...

又係鬱金香呀!

開得好靚...

有啲開始謝...

有啲啱啱開...

超靚~

雖然冇上次橫浜嗰個咁多品種...

但係都有成八十萬朵...

好紅...

唔似鬱金香o既鬱金香...

好似康乃馨...

好"火"~

似蓮花...

好"荷花池"...

好靚呀!

今日係鬱金香祭o既最後一日,有歌有舞...

仲有"鬱金香精靈"...啲小朋友係咁追住佢影相...今日咁鬼熱,真係辛苦晒~

仲有兩個姐姐喺店宣傳當地o既歷史勝地...當然係畀長炮軍團圍攻喇...

公園裏面有個位,只要擺低五百円,就可以掘走十棵花...期間出現咗個不速之客...

呢位仁兄引來好多人圍觀...之後仲好得戚咁施展棘手催花神功...(錄咗條片,但係太大擺唔到上o黎...過幾日返到傻家整短條片再補返)

然後仲旁若無人咁瞓鬼埋...好搞嘢,仲好鬼可愛添...

呢個景真係超靚...

今日陽光普照...

曬到發瘟...三點幾睇完就打電話叫的士返駅,搭電車去...

諗緊要點樣打發一個鍾頭時間...呢度又係乜都冇...唯有周圍行下囉...

點知畀傻馬同傻魚誤打誤撞搵到啲古老寺廟喎...

好有氣派~

新裝修過...

好古色古香...

個鍾樓好舊...

當地一間出名神社...

傻魚忍唔住咗一陣水...

好靚~同明治神宮有得比...

連後面都咁型...之後返駅搭...

呢架きらきらうえつ.傻馬興奮到傻咗...傻魚就上車瞓鬼咗...返到新潟差唔多七點,返酒店攞返啲行李,拎埋房就上房休息...話休息啫,你估真係有得抖咩...傻魚揀相揀到傻呀...傻馬喺傻魚揀到頭暈眼花嗰陣,瞓鬼咗...揀完相就整醒傻馬一齊去便利店買便當求其食飽就算...今晚要早啲瞓,聽日仲有排行...