狂瞓

尋晚臨瞓前同傻馬一齊睇咗套電影,結果刺激得滯搞到兩條友都瞓唔著...整下呢樣,搞下嗰樣,成兩點幾至瞓到,一瞓就瞓到今朝十一點幾.好耐都冇試過瞓咁耐...不過瞓醒都係吽下吽下咁...可能瞓得多得滯啩...
今日諗住出去行下,但係見到出面咁"光"...都係咪搞,留喺傻家做御宅族算喇...煲下劇,睇下雜誌,幾咁悠閒呀...個雪櫃又仲未清完,唔使去買餸...諗起奶奶買啲湯包,求其摷咗包出o黎煲...

得閒得滯,整色整水搞咗煲雜菜鍋...太大煲,所以用碟上一半...個清肝明目湯...好苦!!!好在得一包咋...傻魚飲咗四份一碗就放棄,畀晒傻馬飲...聽日仲有一大碗添o架...
氣象局預測聽日會落雨...唔...不過傻魚要出街行下...家務...留返後日至做喇...哈哈~