暢順

尋日食完個牛蒡粥之後,夜晚去廁所真係好鬼暢順.傻魚好少有便祕o既問題,不過尋晚真係比平時爽!
今日好好天,傻魚見到都唔想出街.但係傻馬就好想出.十一點幾就出咗去剪頭髮,返o黎之後就不停叫傻魚出街.傻馬見傻魚唔想出街,結果就自己一個去睇祭...上年都睇過,傻魚真係唔想喺條街度曬到偏頭痛夜晚瞓唔到.
好似好耐都冇煮過"飯"...

久違的兩餸一湯,白飯只得一趟.原本係整冬瓜湯飯,不過見雪櫃有嚿炸豆腐,過咗一日期,都係食咗佢好啲.傻馬呢幾晚都食得好快,難得傻馬咁畀面,以後要諗多啲靚餸整畀傻馬食至得.呵呵~