煎餃子

繼尋日個雲吞,今日包餃子.尋日用淨啲餡料唔多夠,所以就切咗啲白菜碎加落去.餃子...唔記得幾耐冇包過...梗係唔記得點包喇.第一隻真係慘不忍睹.第二隻就好似起返啲...好想包靚啲,但係食完啲藥,個腦唔多聽話...

算係咁喇...係肉酸啲,但係都仲有個型態喺度.

煎起之後都見得下人o架...不過一時唔記得尋日落咗幾多調味料,今日加咗白菜之後調味嗰陣重手咗啲...不過傻馬鍾意,乜醬都唔使點就咁送飯.仲要一路食一路話好味...都唔知係唔係o架...傻魚感冒冇乜味覺,唔多清楚好唔好味...