頭痛

瞓醒好頭痛...點解會咁o架?原本諗住搵網友甲君食下午茶,但係個頭痛咗成日...見網友甲君冇搵傻魚,咁就第日至食喇...聽日開始関東地方進入梅雨期,日日係咁落雨,氣溫大概廿五度倒.真係正到爆呀!不過傻家部洗衣機喺露台出面,落雨就洗唔到衫...所以今日一口氣洗晒所有衫,之後十日洗唔到衫都冇問題.哈哈~
個頭痛,諗唔到整乜好.見有皮蛋同豆腐...

今餐傻馬冇汁撈飯,所以食得好慢.唔記得叫傻馬放工順便去買檸檬,所以碗隔夜冬陰功湯依然係唔夠酸...好!食埋個西瓜,沖個靚涼早啲瞓.希望聽朝個頭冇事喇...