今日諗住執屋...結果梗係懶蟲上身冇做到喇...攤咗半日,之後執咗一箱嘢寄畀蝸牛小姐.今晚唔使煮,約咗網友甲君去"烚下烚"放題.喺新宿會合埋傻馬之後上到去竟然冇位喎...咁又係...今日係星期五...不過七點幾就滿座又真係幾誇張.個部長哥哥話要等大概半個鍾,咁就留咗個名然後落街行下.
網友甲君話想睇下某個袋,所以就行咗入去某名牌店.啲姐姐o既態度真係差...拎個袋睇下啫...又話要排隊,又話要等...睇完畀返佢嗰陣,佢個面口仲黑過鑊底...乜鬼嘢服務態度呀?!!行到咁上下就返上去搵返個部長哥哥,再等多一陣就有位喇.
三條友都唔係食咗好多嘢.食得最多應該係傻馬.話咁快就個半鍾,個待應姐姐見啲嘢食完,乍乍林收晒所有嘢.明o既...今日係星期五,多人等位...食到好飽就梗係行返傻家喇.啲藥雖然係無睡意,但係食完都好想瞓...所以...早抖~
沒有留言:
發佈留言