毛蟹!個阿叔好搞笑,係咁介紹兩隻大毛蟹畀傻魚.標價五千円,阿叔話三千五円畀傻魚...傻魚望都唔望嗰兩隻大毛蟹,係咁指住兩隻細啲標價二千円o既...之後個阿叔就話二千八円,傻魚都係指住嗰兩隻二千円o既...然後個阿叔就話二千円,叫傻魚畀多二百円...傻魚浮浮地,聽唔到阿叔話要多二百円,淨係拎咗二千円出o黎.跟住個阿叔就話,是旦喇...二千円喇...呢個時候傻魚至醒起阿叔好似話要多二百円...哈~咁就慳返二百円.二千円兩隻大毛蟹,低!傻馬返到o黎諗住食蟹,發現原來係生o既...蒸咗廿分鍾,傻馬食到津津有味...
去上野又點少得大餃子呀!再加個五目雞飯,咁又一餐喇...今日好似癲咗咁...個幾星期冇買餸,一買就買到停唔到手.去完上野返新宿買少少嘢,跟住就約網友甲君去買餸.一如已往,跑完兩間超市又去行"企鵝仔".買到冇手拎嘢咁滯.臨返傻家經過一百円店,又走入去買咗把剪刀畀傻馬食蟹用.返到傻家真係散晒,好在唔使大煮啫...食咗兩日藥,加上尋晚終於可以一覺瞓天光,個人精神咗好多...聽晚,又唔使煮喇...呵呵~
沒有留言:
發佈留言