整咗個芝士雞包食,然後就去新宿駅換指定席飛...順路去埋東口間一百円店,買咗塊浴廉...唔係要o黎掛喺浴室,係要o黎掛出露台,落緊雨要洗衫嗰陣可以遮一遮啲雨...當然仲買咗唔少無謂嘢喇...途經"企鵝仔"又入去買廁紙...真係唔忙唔做...
返到傻家開始執嘢...三日兩夜帶邊隻袋去好呢?諗咗好耐,最後決定帶背囊...摷下個雪櫃...蘋果可以留,唔食住...絹豆腐仲未到期,留返...好在都唔係好多嘢要清...
個隔夜羅宋湯,傻馬一隻馬飲晒...食飽繼續執嘢...一陣沖埋涼,執埋啲洗面嘢同埋聽朝執埋牙刷就搞掂.
飲晒至記得未影相...呢支就係同上一次介紹嗰支一樣牌子,上次係綠色野菜汁,呎支係紅色野菜汁.好味!同一般o既野菜汁唔同,呢兩隻冇咁重"菜"味,甜甜地好易入口.傻魚會再買o黎飲~
今次唔可以唔瞓就出遊,所以要早啲沖涼瞓喇...
沒有留言:
發佈留言