逛街

今日冇做家務就出街...先去麥記食個晏,然後去新宿駅買車飛...買乜車飛?週末又出遊呀!呵呵~買完就逛街...成個東口行晒咁滯...買咗支硬指甲油同一個購物環保袋.之後行返傻家...經過"牛牛",走咗入去買餸...一買就冇咗四千幾円...真係欲哭無淚呀~
買咗餸唔一定會煮飯...傻馬話想食冬陰公湯麵...

咁啱有個粗拉麵,不過冇蝦...所以呢個係"陰公麵"...哈~

尋晚食凈一半飯,今晚擺埋條"冰凍"鰻魚一齊叮返熱...呢條鰻魚係喺上野買o既...一千円有兩條,麻麻地好食...同埋太大條喇...傻馬又唔食喎...要傻魚自己食晒成條...耐唔耐食一次都可以接受o既...