稀客到訪

今日出街去咗一百円買嘢,順便買咗盒雪條.返到傻家諗咗好耐...今晚整邊樣好呢?好喇...就整帶子飯喇...浸完啲米之後落牛油,少少鹽,少少胡椒粉,然後擺埋啲帶子一齊煲.好鬼香呀~煎埋啲雞扒,淋啲蒜茸汁上面...

嘩~好正!!!啲蘿蔔,紅蘿蔔同青瓜係之前傻魚自己用醋醃o既...

再加個沙律~

開埋支香檳...好嘆呀~
食食下聽到露台出面有聲,就同傻馬講出面有稀客.傻馬唔信,走出去一睇...

大家見唔見到呀?

呢隻黑貓係屋主養o既...平時懶高竇,唔多睬傻魚o架...

可能黑貓聞到帶子香,走上o黎玩...仲踩穿咗傻魚個洗衣機套...算喇...咁難得黑貓肯同傻魚玩...

去片~
結果同隻黑貓玩咗成個鍾...黑貓聽見主人嗌佢,所以玩多陣就走咗喇...之後繼續食埋餐飯,飲埋啲酒...呢餐飯食咗兩個半鍾...勁!不請自來o既黑貓,是禍是福?傻魚唔會理,傻魚玩得好開心.希望黑貓以後會再上o黎玩.