南房総之旅總結

今次呢個三日兩夜遊原本唔係去南房総o架...原先諗住去伊豆,可惜啲酒店貴之餘又遠喎...結果傻馬諗諗下就決定去千葉南房総喇...其實都安排得幾急下,所以有好多嘢都冇乜時間去摷資料.不過都算係咁...去玩至緊要開心嘛!!!
今次都叫做使咗唔少錢...交通費就只係買咗張任搭飛,兩個人一萬五千円...如果唔搭特急,其實係唔使咁貴,唔買呢張飛都得...酒店兩晚一萬八千五百円...又要近駅,又要有浴廁,結果就住貴咗...食咗九千二百一十円...嘩~三日食咗咁多...特產就買咗三千一百三十五円,普通咁喇...入場費就用咗四千六百円...今次總共使咗五萬四百四十五円...三日,仲要係唔遠都用咁多錢...傻魚果然夠敗家!o黎緊應該都唔會去邊玩o架喇..可能下一站係返香港!呵呵~

呢啲全部係傻馬o既...

呢兩樽嘢睇怕都要等傻魚返咗香港至會開...應該幾好味!
今日仲未"復原",又懶喎...晚餐就咁煲個飯,整返熱兩包...

傻馬個泰國紅咖哩...辣到飛起~傻馬食完變咗隻"落湯馬"...整多隻咸蛋畀傻馬送飯.

傻魚個泰國青咖哩,都係辣到飛起!順手烚咗個蛋o黎食...