又落雨

尋晚燒完烤搭電車返到新宿,傻馬話要去西口捕平嘢...之後順手買咗幾個包...

早餐...

午餐...

下午茶...

呢個係傻馬o既...傻馬話聽日做早餐喎...
今日冇街去,留喺傻家攤抖.睇睇下漫畫,落雨喎...好在尋日好天有雨咋...関東好似正式進入梅雨期...早排係咁落,仲諗住過咗添...o黎緊日日都會落雨,啲衫唔使洗喇...呢幾日好焗,傻魚已經頂唔順開住冷氣瞓...真係坐喺度一舉手就成個人濕晒...煮飯嗰陣仲攞命...由頭濕到落腳,會滴到一地汗嗰隻...試過唔開冷氣,瞓唔到...

尋晚捕咗盒刺身,半價...另外就係扇貝,六個大大隻三百円.傻馬一見到即刻話想食.用咗闊條粉絲,蒜茸去蒸,凈返啲粉絲就要o黎煮咸湯...姇完都好飽下...

飯後食埋嗰半嚿黃肉西瓜...下次再買先...