熱氣

今日約咗網友甲君食晏.又係口水多過茶,唔記得影相...真係辦事不力呀!!!食完晏之後網友甲君有事走先,傻魚就搭"綠線"返傻家.先去藥房買日用品,然後去書店同便利店買雜誌...係咁喺條街度行o黎行去,去完一間便利店,再去另一間搵...冇o既?去書店再搵...都係冇...唯有打畀傻馬叫傻馬放工自己搵...
近排傻馬唔知食咗啲乜,生晒痘痘好鬼熱氣.馬又唔知搞乜,姿姿整整咁話近排曬黑咗要搽美白膏...吓?!!傻魚都冇用,冇喎...咁點呀?買?傻馬竟然話好...好...買囉...
熱氣食乜好?

晚餐整咗冬瓜湯飯,唔畀傻馬"混醬"...

再加一人一條粟米,尋日買o既...好甜...要再去買至得...

飯後有尋日買o既黃西瓜,都幾甜o架...呢個黃肉西瓜係傻魚屎忽痕見同價,買o黎試下囉.又冬瓜又西瓜,應該降到火啩...