小雲

傻魚同傻馬今日做小雲..."搞"完支"樣本"唔知擺邊好添...張紙仔話要放喺凍o既地方喎...結果就用咗兩個袋套住,喺雪櫃o既一角搵個位"安置"佢哋...
今日原本要去寄嘢,但係咁啱有個"高峰會議"傾緊單"大生意",結果趕唔切去...其實係條友雞啄唔斷,講到收唔到口.傻魚已經喺度"唔唔唔,係係係",好唔耐煩咁,佢都唔醒水o既...下次都係唔好講,用寫算喇...

晚餐係XO鮑魚醬炒烏冬.一時唔記得要隔起個醬啲油,一嘢就倒鬼晒落去...結果搞到好油呀!!!慘喇~慘喇~雖然好味,傻馬亦都食得好開心...唉~算喇...一餐半餐...