食餐勁~

唔可以食早餐,仲要畀人拮完插完就梗係要補返下.難得醫院提供埋午餐,仲要係附近一間五星級酒店裡面o既餐廳喎...

見到個門面就知係貴嘢...

冇圖得啲字...

飲杯果汁汽水都要八百五十円,咖啡茶仲要貴多一百円...

開放式廚房...

十一點幾,冇乜人...

前菜,好味~

傻魚要咗個天麩羅定食...

傻馬要咗個刺身定食.另外仲有個燜魚定食,三揀一...

飯後甜品,個梅都幾好味.除咗呢間和食餐廳,仲可以揀去食寿司,中華料理同埋意大利餐廳...意大利餐廳得三文治食,所以唔去.坐咗一陣之後唔使埋單,拍拍蘿柚就走人.真係爽呀!蕩咗一陣就返醫院聽報告...
聽完報告暈下暈下咁行去搭地鐵,經過便利店即刻入去買支水,然後飲咗包瀉藥.返到新宿...都係唔轉車,行返去算喇...返到傻家去咗一次廁所...嘩~米色o架!!!然後就不醒人事...到傻馬返到o黎整醒傻魚,交咗一篇差,再瞓過...其實兩條友都係攤下啫...攤到七點幾,傻馬見傻魚就死咁,話要出街食喎...一轉角...嘩~

有專人按摩,黑貓幾鬼舒服呀!

喂喂~傻馬哥,黑貓對眼就o黎畀部相機閃盲喇...

死黑貓,咁嘆呀喇...

呢條友整走咗黑貓,自己一個懶型咁...

去邊呀?

哎呀~畀隻肥婆傻魚捉到添...不過又幾舒服喎...就咁兩條友加兩隻貓,喺條街度玩咗大半個鍾.好肚餓呀!!!去附近食韓國嘢...

左下角個腐皮好好味呀!

傻魚叫咗個純豆腐鍋...一時唔記得叫少辣添...食完濕晒...

傻馬呢個唔知叫乜鍋...唔辣但都幾好味...不過有韮菜,冇傻魚份...呢間"明洞",傻魚住咗咁耐都係第一次去,畀傻馬笑係"御宅族"...唓!傻馬都係去咗兩次啫...好叻咩?!!