今日原本係去原宿睇紅葉.出發前上網睇過,原宿啲紅葉仲未到最靚o既時候...結果就轉場去駒込o既六義園.出門前至發現落緊雨...頂!六合彩又唔見咁易中喎...好在去到停咗雨啫...
入場費三百円...
又話依家係最靚o既時候...
見好多人走上個山頂仔,傻魚又跟埋去...
半個鍾都唔使就行完一圈...傻魚覺得呢個位係全園最靚...
呢度係第二靚...
個湖裏面有好多鯉魚同鴨仔,一見有人行埋湖邊就會游埋o黎睇下有冇嘢食.
走嗰陣行側門,原來夜晚會亮燈...應該會好靚...不過自己一條魚唔會再去...因為見周圍啲人唔係連群結黨,一家大細,就係成雙成對...睇下傻馬趕唔趕得切一齊去睇囉...有興趣o既朋友,可以喺12月16日前每晚八點半前入場睇紅葉燈飾.
睇完紅葉就返傻家附近同網友甲君會合.又開始落雨...原本係食完晏就去開演唱會...點知坐低食完傾到唔願起身.結果...再搵日囉...之後同網友甲君去"企鵝仔"買完嘢就各自返歸喇.
食咗個晏,唔係咁肚餓,所以就求其炒咗碟意粉食...
尋日出街鎖門嗰陣見到屋主喺傻家個門鎖度貼咗張紙.張紙係通知傻馬同傻魚以後啲垃圾要轉地方擺.一路而o黎都係擺喺人哋屋企側邊,可能近排啲烏鴉又多返,成日摷到成地都係垃圾,人哋掃到忟啩...經過之前擺垃圾嗰度,見到貼咗張紙寫住:自己o既垃圾唔該擺返自己門口.哈~屋主老婆實係畀人話完o黎喇...由聽日開始,啲垃圾要擺喺入口個鐵閘出面個水渠蓋上面.仲好~行少十幾步...
今日原本諗住去睇紅葉.點知尋晚睇電視,氣象預測呢兩日會落雨,所以就取消咗喇.日本啲氣象預測一向都幾準,話有雨通常細細哋都會落幾滴.點知今日除咗天陰陰,氣溫得幾度之外,一滴雨都冇...正話睇電視新聞個氣象預測話今日同聽日都冇雨...啫係點呀?搞到傻魚今日成日留咗喺傻家等睇雨...聽日仲信唔信佢好?睇睇下紅葉落雨咪弊?!!都係帶埋把縮骨穩陣...
食埋聽晚嗰餐,又要去買餸喇...上次入o既貨,食咗兩個星期呀!!!勁呀~
據最新一期的美國醫療營養雜誌發表一項由F D A舉行的研究報告顯示，因遺傳基因變異而至有葉酸代謝問題的婦女，其誕下唐氏綜合症兒童的機會比常人高2.6 倍。為此,當局將進一步研究，假設提供葉酸補充劑會否減低誕下唐氏兒的可行性．委員Dr. Jane Henney對此表示樂觀，她認為誕下唐氏兒的條件在于營養和遺傳兩方面，如果能令有問題的婦女預早(在未受孕前)吸收大量葉酸，則應可減低誕下唐氏兒的機會．
葉酸是維生素B的一種，常見于青菜，豆類，吞拿魚，雞蛋等食物中，葉酸是脫氧核醣核酸(DNA)所賴以運作的要素之一，已被証實可防止脊柱裂等神經管道毛病．
葉酸是維生素B類的伙伴,有助紅血球形成,成熟的作用．亦是生物組織形成和細胞發育功能正常不可缺少的營養素．有預防貧血，維持胎兒健康，防止口腔發炎，形成健康皮膚的效果．對於有貧血傾向，妊娠中女性，經常飲酒，服用阿斯匹林和避孕藥的人仕來說，攝取葉酸是非常重要的．
+++++++++++++++++++++++++++++++++++++++++++++++++++++++++++
葉酸は水溶性のビタミンB群の一種だ。最初に抽出されたのはほうれん草からで、ラテン語で葉を意味する「フォリウム」から名づけられたもの。その名の通り、植物に多く含まれている。
＜葉酸のはたらき＞
その1 遺伝物質であるDNAやRNAを構成している核酸の合成に不可欠
その2 赤血球の合成
その3 アミノ酸（グリシン、セリン、メチオニン）の合成やたんぱく質の生成・促進作用がある
その4 皮膚の粘膜の強化
その5 口内粘膜の強化
葉酸不足は貧血のもと
葉酸が不足すると、体調にどのような変化が現れるのだろうか。
葉酸不足は、悪性の貧血（巨赤芽球性貧血＝DNAの合成障害が原因で起こる貧血）、口内炎、食欲不振、舌炎、下痢、顔色が悪い、などの症状が現れる。
さらに、重要視されているのが妊婦の葉酸不足。とくに、妊娠初期（4週～12週）は胎児の細胞分裂がさかんな時期であり、この時期に葉酸不足を起こすと胎児に神経障害が起こりやすくなるといわれているのだ。
また、「過剰摂取の影響は？」というと、現在のところ摂り過ぎによる疾患は現れていない。葉酸は水溶性ビタミンなので、過剰分は腎臓から尿の中に排出されるため、それほど過剰摂取に敏感になる必要はないのだ。
妊婦に「葉酸」は欠かせない！
健康な赤ちゃんが生まれてくることを願わない親はいない。誰もが妊娠したことを知った時から、10ヵ月後に生まれてくる健康な我が子を抱くことを待ち望んでいる。しかし現実には不幸にも障害を持って生まれてきてしまう赤ちゃんもいる。
特に胎児の細胞の発達が目覚しい妊娠初期の過ごし方がとても大切なのだが、この時期に神経管閉鎖障害の発症リスクを低減するために大切な役割を担っているのが「葉酸」なのである。DNAを構成している核酸やたんぱく質の合成を促進する、というはたらきを持つ葉酸を、最も細胞が成長する妊娠初期（妊娠12週まで）に十分摂取する必要があるのだ。
妊娠前の女性も必要
もちろん、妊娠初期の女性だけに必要、というワケではない。たいてい、女性が妊娠に気がつくのは、妊娠2～3ヵ月のころ。「ひょっとして妊娠したの？」って気がつく頃には12週くらいになっていることもあるかもしれない。
そう考えると、妊娠する予定のある女性なら妊娠前からきちんと葉酸を摂取したほうがよい。妊娠する可能性のある女性は、妊娠する1ヵ月前から妊娠12週まで葉酸を1日400μg摂取すれば、神経管閉鎖障害児の出生リスクを70％軽減することができるとも言われているのだ。
妊婦に必要なのはどのくらい？
妊婦に必要な葉酸摂取量は、1日400μg（=0.4mg）。成人の約2倍必要である。
厚生労働省は2001年11月に母子健康手帳に「葉酸の必要性」を記述し、2002年4月以降に渡される母子健康手帳には、これらのことが記載されるようになった。
また、授乳期の女性は280μg必要だと言われている。
尋晚搞到三點至瞓得著,不過六點幾又要起身丟不燃...之後魚肚仔餓,食完個早餐又瞓過...瞓多三個鍾就醒咗瞓唔返.醒起今日可以去拎外人証,即刻起程去区役所.等咗兩分鍾就拎到張外人証,不過見到張相就想揼鬼咗佢...之前用咗張見得下人o既相,但係就因為冇做再入國所以畀人收返.今次唔記得帶返同一張相,結果用咗張死魚相.激氣~
冇心情周圍去,所以又喺新宿蕩咗半日.去完東急手買阿茂嘢,跟住去咗三百円店.
買咗三對冬天恩物,有兩對係畀傻馬o既...因為傻馬勁怕凍.之後走咗去一百円店搵"兵哥"遊戲嚿機...搵咗一陣唔見有,捉個人問下,冇!咁好賣?!!見到啲阿茂恩物好得意,諗起遲啲又會不時阿茂上身,都係整對好啲...跟住去睇咗一陣衫,想買件外套...冇啱心水,唔買住...之後返傻家附近間藥房買啲日用品,再戰附近間一百円店.原來依家冇嗰部機賣,轉咗用卡...等傻魚走咗幾間搵到傻咗...就咁行咗半日...返到傻家已經好攰.唔煮飯仔又唔得...摷摷個雪櫃...
見到上次入貨貪得意買o既回鍋肉之素,咁啱有椰菜,又可以懶喇...不過...個回鍋肉甜咗啲,難食...即刻喺冰箱摷包南蛮雞塊出o黎叮...
今日天陰陰,凍咗好多.跟住落o黎兩日都有雨,氣溫單位數...正話返到傻家執完啲嘢,忍唔住開暖爐...睇怕都要出動埋張電被喇...網友甲君,呢幾日出街記住着多件衫呀~
今日諗住出街行下,睇下嘢...點知傻馬有嘢叫傻魚幫手,結果就打消咗出街呢個念頭喇...幫傻馬上網搵下嘢,同其他網友喺網上傾下偈...整下呢樣,搞下嗰樣咁...之後睇睇下電視,瞓鬼咗...大鑊...醒返己經係三個鍾後喇...一陣實瞓唔到,眼光光望天光...聽朝又要神早六點幾去丟不燃...之後至瞓?難得啲時間正常返,咁搞法啲時差又返返o黎喇...真係大大鑊...
正話見關生上網,即刻問關生年尾係咪o黎日本玩.關生話會同未來關太過o黎過新年,順便畀個大驚喜未來關太,叫傻魚幫幫手.傻魚咁鬼得閒,梗係冇問題喇...聽日就去幫關生搵個勁正場地畀關生搞佢個大驚喜!哈哈~
今日可能瞓傻咗,唔想煮飯仔.結果就整咗個杯麵,跟住喺冰箱摷到...
係炸墨魚餅...明明改咗o架...點會變返錯字o既...奇怪...又幾好味喎...再去買返包存倉先...今晚點算?傻馬唔喺度,又冇人可以打暈傻魚...
今日約咗網友乙君去渋谷探路兼睇場地.傻魚早少少去到周圍行下睇下嘢,到咁上下夠鍾就去會合網友乙君.等等下有位"咖哩王子"埋身搭訕...傻魚冇理佢,但係佢就不停同傻魚講嘢...等人呀?有冇時間呀?男朋友?嚇到傻魚即刻打畀網友乙君.可惜網友乙君唔接電話,咁傻魚唯有打畀網友太太.講完個電話都仲唔見網友乙君喎...而嗰位"咖哩王子"見傻魚講完電話,又想搭訕...好在呢個時候網友乙君打o黎話到咗唔見傻魚,即刻過去搵網友乙君呀!唔通傻魚近排食得咖哩多?唔理喇...乍乍林同網友乙君去探路睇下場地.
渋谷呢個位永遠都係咁多人.將近聖誕節,多咗啲燈飾.行咗一陣就到咗個目的地喇.
間嘢啱晒要求呀!搵埋個店長傾埋啲價錢,餐單,跟手落埋訂.了咗件心事,安樂晒~跟手喺度食埋個晚餐.
脆卜卜,熱辣辣,好熱氣但好味.呢味係後加o架...之前仲食咗個沙嗲雞串同海鮮濕炒米.個沙嗲雞串好好味,好正~海鮮濕炒米都唔錯.掛住講同食,都唔記得要影相添.食完諗住行下竹下通,途中見到間舖幾得意...
間舖啲衫係一樽樽咁賣,啲掛喺度o既衫個牌有埋間舖o既平面圖,話畀啲客知件衫個樽喺邊...下次得閒再去睇過.行完竹下通,就搭電車去新宿買禮物.同網友乙君喺間舖度左揀右揀,揀咗好耐至揀到心水禮物.畀錢嗰陣個店員問係唔係送禮用.傻魚答係.跟住又問要用禮物紙包定係用膠袋.傻魚話要禮物紙.網友乙君就話,連禮物紙都可以慳返,唔錯喎...之後個店員又問需唔需要多個紙袋要o黎分開載住啲禮物送畀人.傻魚咁"平"精,梗係話要喇...話返畀網友乙君知,網友乙君係咁笑呀...間舖好熱,所以買完嘢就即刻去搵個地方飲嘢.
傻魚嗌咗杯芒果汁,唔好飲...一時唔記得日本啲芒果係唔好食o既...傾下笑下又夠鍾散會喇!傻魚途經歌舞伎町行返傻家嗰陣,有個阿叔拎住個"鴨店餐牌"行埋o黎問傻魚...吓?!!條街行咗咁多年,從來都冇試過...諗返起個"咖哩王子",斷估都唔係因為傻魚索喇~唔通...傻魚額頭有行字"要人陪"?寂寞有樣睇?!!好驚呀!!!
今日,心情勁低!話咁快返咗o黎東京都十五日喇...都唔知仲要咁樣吽幾耐...咁多年習慣咗有個人喺身邊一齊食一齊笑...依家睇電視見到啲得意搞笑嘢,出街食到啲好味嘢,都唔知同邊個講,冇人分享...習慣咗要紙巾有人遞,想飲水有人斟,痛有人呵,痕有人搲...依家冇人理,一條魚喺傻家口臭兼生菇...晚餐,唔煮又唔得...勁冇癮,死魚一條...最開心咪同網友食飯,同小朋友玩囉...今日...星期日,條街咁多人,梗係留喺傻家喇...聽日開心呀~又約咗網友乙君兩公婆食飯...呵呵~
今晚又求其一煲過...仲有兩餐,之後就要入新貨喇...開冰箱時見到包炸芝士條,口痕叮咗o黎食...味道麻麻...聽晚出街食,好嘢~食乜好呢?嘻~
今朝神咁早六點幾起身掉資源.之後魚肚仔餓,食咗個早餐再返瞓到十二點...乍乍林做埋啲家務就出街仔喇...成街都係人,間間舖都人山人海...原本想買嘢,見到畀錢條隊排到出門口...即刻轉身擺返啲嘢平日再o黎買過.去咗邊?咪又係時代廣場囉...周圍行下睇下嘢.搵咗好多間都搵唔到暖爐個隔塵網喎...最後又走咗去"企鵝仔",見到有類似o既型號咪即刻捉住個店員問囉...結果係...冇!真大鑊!咁點算?突然靈光一閃,走咗去買包抽油煙機用o既隔油紙...應該得啩...個隔塵網最主要都係用o黎隔塵,隔油紙都可以隔塵啫...跟住見到...
買咗盒試下...最主要係因為唔係牛肉而係豬肉...就咁配白飯好似好齋咁...
橫掂得閒,慢慢煎咗個半生熟蛋.配埋啲咖哩,正~好在冇就咁撈白飯...包即食咖哩裏面得一嚿豬肉咁大把...由於係配咖哩汁,今次個飯就整淡咗啲...下次可以再落多啲茄汁炒飯...食之前好鬼餓,不過食完又好飽喎...睇o黎冬天真係唔可以一日食兩餐...
今日開始三連休,應該一街都係人...傻魚今日進入半冬眠狀態...尋晚仲諗住瞓醒搵街去.今朝瞓醒掉完包垃圾之後,做下呢樣搞下嗰樣唔想出街.晾完機衫就走返入被窩裏面睇電視劇...見呢幾日咁凍,摷返個暖爐出o黎諗住抺乾淨用.呢個暖爐係傻魚好多年前喺日本留學嗰陣買o架.之後唔捨得掉,傻馬話帶返香港用.因為老爺話要駁火牛好危險,所以就一直擺咗喺櫃頂...今次搬返o黎東京就梗係帶埋個暖爐喇...抺完個暖爐發現個隔塵網好多塵...梗係傻馬之前唔記得清,就咁封咗幾年...見到個隔塵網就唔開胃,即刻掉咗聽日買過新o既...所以依家用唔到個暖爐...好在跟住o黎緊兩日回暖返廿度...不過之後又凍返...唉~
尋晚頭痛冇煮飯仔求其食咗個杯麵,今晚唔可以唔煮...又摷晒啲嘢出o黎一鑊過...
一時唔記得睇火,收乾晒汁燶低...衰咗...即刻撈起面頭嗰啲轉煲,加返啲水落少少鹽埋個茨...好在救得返,冇事~啲蓮藕,肉丸好入味,正!仲有四餐就清晒之前入嗰啲貨.下次唔可以咁買喇...
今朝醒咗覺得好凍...賴咗成朝床,唔願起身...到咗十一點幾打咗個電話畀網友甲君,睇下甲君會唔會同傻魚一齊去見新朋友.可惜甲君今日都仲係唔係咁舒服...可能天氣太凍喇...傻魚唯有單人匹馬去見新朋友-網友媽咪同小朋友.之前同網友媽咪喺網上傾過幾次,今日終於見到面喇~好興奮!
約咗十二點九喺惠比壽駅會面,十二點七就收到網友媽咪電話話到咗.傻魚十二點九準時到達,見到網友媽咪嗰陣小朋友喺車仔瞓緊.傻金魚婆見到咁得意o既小朋友即刻發花癲...搭緊升降機嗰陣小朋友醒咗,兩大一細搵咗間有高椅o既餐廳食晏.入到餐廳就畀小朋友坐高椅.可能啱啱瞓醒,小朋友唔係咁睬傻魚.知道小朋友為食,就畀啲食物小朋友食.同網友媽咪一路食一路係咁傾,好開心.食完餐飯,小朋友己經肯同傻魚玩.行咗一陣之後上咗頂樓個空中庭園,畀小朋友行下玩下咁.兩個大人係咁傾,傾傾下小朋友扭計要飲奶.網友媽咪沖奶陣,傻魚抱住小朋友.哈~第一次見就肯畀抱喎...小朋友飲完奶扭眼瞓,所以行多一陣就散會喇.今日真係好鬼開心.住得咁近,得閒可以多啲出o黎玩.
返到傻家附近,諗起網友甲君唔舒服,今日又咁凍...諗住打畀網友甲君睇下有乜可以幫佢買,咁佢咪唔使落街吹風囉.可能網友甲君唔舒服瞓咗,冇接電話.冬天唔舒服真係好辛苦o架.返到傻家,可能焗親,個頭抽下抽下咁痛...網友乙君打o黎搵傻魚食晚飯,傻魚推咗...多謝網友乙君o既一片好意,傻魚個頭痛,條街又凍喎...下星期喇~
今日好開心識到新朋友.求其食完個晚餐,個頭己經冇事喇.聽日...原來係假期喎...聽日去邊好呢?
今朝醒咗好耐都唔願起身.呢幾日凍咗好多...攤咗成朝,食埋啲隔夜餸,上咗一陣網,跟住就出去一百円店買信封.之後喺郵局搞完一輪,幫傻馬寄咗啲文件返公司.望一望個時間...仲早...驅車去打完氣之後就順路去二手書店.喺書店度磨咗成兩個鍾,買咗五本漫畫(花より男子),整埋張儲分卡就轉場去蒲"企鵝仔".喺"企鵝仔"蒲咗差唔多成個鍾,早幾日仲見到想買o既嘢,今日竟然搵唔到喎...吹漲~買埋包五公斤米,跟住就打道回府.一入傻家就聽到有人狂叫傻魚.行埋部腦一睇...嘩~原來有咁多人等緊傻魚.傾咗一陣,各主婦就夠鍾喂奶煮飯仔.傻魚今日懶虫上身...
將半個薯仔,四份一個洋蔥,半條紅蘿蔔,少少棷菜,半條茄子,少少瘦肉切切切,加埋白汁一煲過...雖不至於飽到上心口,但係都好飽下...一人份,真係好難煮...傻馬,幾時返呀?
傻魚係個超級大喊包...一條魚食飯又喊,撞親少少又喊,見人喊自己又喊埋一份,總之乜鬼都可以喊一餐...尋晚臨瞓前巡巡下網無端端不受控制喊咗半個鍾.唔知點解,冇厘頭咁不停喊...返咗東京一個星期,一條魚食咗五個晚餐,一次都冇喊過...好叻~點知...仲要係冇原因冇理由咁喊...喊到好攰瞓鬼咗...原本諗住今日出街行下去下書店.今朝起身對眼腫到得返一條線,咁樣衰出乜鬼街呀~留喺傻家睇電視,睇雜誌算喇.午餐清咗尋晚嗰半碟隔夜飯餸,望住出面狂風係咁吹,好舒服~跟住就諗下晚餐食乜...
尋晚冇整個沙律,今晚整.打開個雪櫃見到樣樣都想食,咁就樣樣落啲一鑊過...份量少過尋晚,不過都係食唔晒.留返三份一聽朝食...聽晚要再煮少啲至得...
尋日因為要招呼朋友,所以就走咗去入貨...一入就入爆咗個雪櫃...依家諗起都一額汗...買咗咁多,一條魚都唔知食到幾時...午餐清咗啲隔夜餸,飲咗一大碗湯,下午茶食咗嚿果仁朱力餅,留返一嚿聽日食.食咗幾日即食嘢,食到口都歪埋咁滯.今日見成雪櫃都係食物,就的起心肝煮飯仔.煮乜好?
尋日煲湯嚿瘦肉,唔食掉咗好浪費.原本諗住用o黎燜蓮藕,但係今日唔想搞咁多嘢,所以就搣絲加埋啲金菇炒茄子...唔錯...有XO醬又點會難食?!!不過個番茄熟得滯,搞到個炒蛋甜咗啲...樣樣切少少,點知炒出o黎咁大碟喎...仲諗住整多個椰菜番茄仔沙律,見到咁唔敢整喇...食咗一半,留返一半聽日做午餐...清埋啲湯,飽到上心口...生果...食唔落喇...下次都係唔好咁貪心,整一樣餸食算喇...傻魚真係唔識點煮一人份...煮多啲留返第二日食?一次半次就冇所謂.次次都咁就...傻魚好"富貴",唔食隔夜餸o架...
凈返嗰一半,睇怕傻魚都要食兩日...有人同傻魚一齊食晚餐,傻魚開心到飛起.
依家呢啲天氣,梗係煲雪耳湯潤一潤喇.不過傻魚食得太清淡,網友祖兒要自行再加鹽調味...真係失禮...
下次啲湯會畀多啲鹽o架喇.喺街度食又貴又唔知食乜好,所以就留喺傻家玩煮飯仔.
傻魚咁懶,梗係雞翼,薯仔,紅蘿蔔,椰菜,洋蔥等乜都落埋一煲過喇...
網友祖兒真係好賞面.真係唔好意思,整咗餐冇餸飯招待人...飯後切咗個洋梨,好甜~
有講有笑唔經唔覺就十點,網友祖兒要返屋企喇.
今日好開心呀~網友祖兒,多謝你啲柑呀...不過魚肚仔冇位,仲未食...下次...食乜好?打邊爐?
今朝神咁早六點半起咗身掉不燃垃圾,之後竟然瞓唔返...點解要咁早?因為唔想撞到屋主囉.瞓唔返有乜搞?睇咗一陣電視,洗咗機衫,搞下呢樣摸下嗰樣,話咁快就十二點.換定衫等傻馬姨打o黎,等到一點幾至收到電話.去到上野兩點,同傻馬姨會合完之後就一齊去買大閘蟹.傻馬姨用三千一百円買咗三隻公,算平喎...去到上野就梗係買返幾隻大餃吃下喇...順路經過一望...今日休業?!!搞錯呀!仲諗住請網友主婦同網友祖兒食添...冇計喇...下次囉...陪傻馬姨買咗個袋,睇睇個鍾...咦...三點三,夠鍾走人喇.
轉場四點去到渋谷ハチ公口,跟網友主婦同網友祖兒會合之後,三人行去逛"閣樓".行咗一陣搵唔到想要o既嘢,咁咪走去行東急東橫囉.見到想買o既嘢,同網友主婦揀完一輪,畀完錢之後又轉戰新宿.三人行五點半殺入花之舞居酒屋,叫咗幾款小食一路傾一路飲一路食.三個女人一個墟,你一句我一句,笑笑笑...好開心!因為網友祖兒要返屋企煮飯仔,所以食到七點就散場.傻魚同網友主婦跟網友祖兒分手之後走咗去逛一百円店,買咗一大堆嘢.之後同網友主婦行返去傻家附近買完嘢就走咗去食甜品.兩條友傾到唔願走...今日終於唔使一條魚食晚餐,雖然買唔到大餃子,但係都好鬼開心...期待星期五o既二人晚餐...咦...咁聽日要執下間屋至得喎...呵呵~
前日入境除咗畀個姐姐仔寸傻魚冇整再入國之外,一切都好順利.買咗個便當返到傻家差唔多十一點,不過就冇之前咁攰.可能係因為之前個晚有瞓,加上唔使暈巴士去"雞場"...執行李嗰陣拎起個文件夾,有張嘢跌咗出o黎..."西瓜"自動現身呀!玩嘢...前晚兩點幾瞓鬼咗...
尋日成日留喺傻家抖...冇奶冇麵包...冇早餐食...之後食咗個粉絲杯,攤屍睇電影.好懶唔想出街,夜晚整咗白汁吞拿魚素麺加腸仔.
今日原本約咗網友主婦,但係主婦唔得閒改約聽日,咁傻魚咪走去区役所搞返個外人証.之後喺大戶屋食咗個晏.跟住去咗"企鵝仔"行咗成個鍾,補返啲雜貨同食物.返傻家之前去咗書店買雜誌,見冇其他嘢買咪返傻家囉.正話整咗個泰式紅咖哩飯食...勁辣~!!!噴火呀~一條魚食飯,勁慘...
