衰瓜

傻魚依家喺"尺立國雞場",今日傻魚孤伶伶懶淒涼咁一條魚返東京.尋晚同傻馬一齊食完個好味港式魚蛋粉之後,途經生果舖見到大大個"衰"瓜...傻馬知傻魚鍾意食,咪買咗四份一個返屋企叫奶奶切粒雪凍夜啲食.尋晚食完啲"衰"瓜,今朝早...唔見咗張西瓜卡!!!!玩嘢咩?!!明明記得擺咗入個手提袋度o架...倒晒啲嘢出o黎都搵唔到...畀傻馬話傻魚次次唔係唔見"八爪魚"就係唔見"西瓜"...搵咗成個鍾,結果梗係搵唔到喇.傻馬叫傻魚返東京買過張,跟住等傻馬得閒喺屋企四周圍摷下睇下搵唔搵得返...今晚...傻魚一條魚都唔知食乜好...唉~