遊蕩

今朝十一點幾出咗街,走咗去後樂園買嘢.跟住打畀網友主婦,冇人聽...點算?!!蕩咗去時代廣場,遊咗三個幾鍾...都仲係搵唔到網友主婦...喺新宿蕩咗一陣,諗起聽日約咗傻馬姨去上野.即刻打畀網友祖兒,諗住約埋一齊逛上野.收線嗰陣見到一個好熟悉o既身影飄過...毛毛大佬(喺香港第一份工個日本人上司)?!!即刻快步追上去篤咗毛毛大佬一嘢,嚇到毛毛大佬成個人彈起.呢個鍾數喺新宿出現,有古惑...原來毛毛大佬喺長野出完差返東京,唔想返公司所以走咗去新宿打機...毛毛大佬啲壞習慣,死性不改.傾咗一陣,約下個星期食飯.最衰傻馬唔喺度,如果唔係傻馬就有口福可以狂食刺身喇...返到傻家附近,行下一百円店,再行下九十九円食品店,跟住去買咗本雜誌就返歸.入屋一望部電腦,見到網友主婦留言話今日有事.見網友主婦仲喺度,即刻約返個時間同地點.正話叮咗啲冷凍食品送飯.聽日唔使一條魚懶淒涼咁食晚飯喇!聽日成日都喺街度...今晚...要早啲瞓...因為...傻馬唔喺度,傻魚要好早起身掉不燃垃圾...