雨中賞葉

今日原本係去原宿睇紅葉.出發前上網睇過,原宿啲紅葉仲未到最靚o既時候...結果就轉場去駒込o既六義園.出門前至發現落緊雨...頂!六合彩又唔見咁易中喎...好在去到停咗雨啫...

入場費三百円...

又話依家係最靚o既時候...

見好多人走上個山頂仔,傻魚又跟埋去...

半個鍾都唔使就行完一圈...傻魚覺得呢個位係全園最靚...

呢度係第二靚...

個湖裏面有好多鯉魚同鴨仔,一見有人行埋湖邊就會游埋o黎睇下有冇嘢食.

走嗰陣行側門,原來夜晚會亮燈...應該會好靚...不過自己一條魚唔會再去...因為見周圍啲人唔係連群結黨,一家大細,就係成雙成對...睇下傻馬趕唔趕得切一齊去睇囉...有興趣o既朋友,可以喺12月16日前每晚八點半前入場睇紅葉燈飾.

睇完紅葉就返傻家附近同網友甲君會合.又開始落雨...原本係食完晏就去開演唱會...點知坐低食完傾到唔願起身.結果...再搵日囉...之後同網友甲君去"企鵝仔"買完嘢就各自返歸喇.

食咗個晏,唔係咁肚餓,所以就求其炒咗碟意粉食...