今朝神咁早六點半起咗身掉不燃垃圾,之後竟然瞓唔返...點解要咁早?因為唔想撞到屋主囉.瞓唔返有乜搞?睇咗一陣電視,洗咗機衫,搞下呢樣摸下嗰樣,話咁快就十二點.換定衫等傻馬姨打o黎,等到一點幾至收到電話.去到上野兩點,同傻馬姨會合完之後就一齊去買大閘蟹.傻馬姨用三千一百円買咗三隻公,算平喎...去到上野就梗係買返幾隻大餃吃下喇...順路經過一望...今日休業?!!搞錯呀!仲諗住請網友主婦同網友祖兒食添...冇計喇...下次囉...陪傻馬姨買咗個袋,睇睇個鍾...咦...三點三,夠鍾走人喇.
轉場四點去到渋谷ハチ公口,跟網友主婦同網友祖兒會合之後,三人行去逛"閣樓".行咗一陣搵唔到想要o既嘢,咁咪走去行東急東橫囉.見到想買o既嘢,同網友主婦揀完一輪,畀完錢之後又轉戰新宿.三人行五點半殺入花之舞居酒屋,叫咗幾款小食一路傾一路飲一路食.三個女人一個墟,你一句我一句,笑笑笑...好開心!因為網友祖兒要返屋企煮飯仔,所以食到七點就散場.傻魚同網友主婦跟網友祖兒分手之後走咗去逛一百円店,買咗一大堆嘢.之後同網友主婦行返去傻家附近買完嘢就走咗去食甜品.兩條友傾到唔願走...今日終於唔使一條魚食晚餐,雖然買唔到大餃子,但係都好鬼開心...期待星期五o既二人晚餐...咦...咁聽日要執下間屋至得喎...呵呵~
沒有留言:
發佈留言