又係...咖哩

尋日開心咗成日,夜晚差啲瞓唔到.今朝神早六點幾起身掉垃圾,之後撻返落床不醒人事...有返知覺嗰陣己經係十二點幾...天寒地凍真係好好瞓~早餐變午餐,食完懶懶咁乜都唔想做...就咁攤屍幾個鍾,睇下電視,睇下漫畫,睇下"風"景...咁又一日喇...上個星期入爆咗個雪櫃,清咗一半咋...靈機一觸...

哈~又係咖哩!將雪櫃入面所有o既材料樣樣落啲,無求可以快啲清晒啲嘢,唔好益隻衰鬼垃圾桶...第一次食咖哩蓮藕,味道都唔錯喎.聽日整乜大煲嘢好呢?