好開心

今日原本約咗兩位網友去上野.可惜甲君唔多舒服,乙君又懶虫上身喎...結果就取消唔去上野,改咗約乙君兩公婆食晚飯.得閒冇嘢做,走咗去甲君屋企滾搞,順便探下甲君.有講有笑,話咁快又要起程去搵乙君喇...同乙君會合之後,因為要等乙君老公收工,所以兩個傻婆係咁傾係咁行.話就話睇下嘢,茶實睇過啲乜兩條友都唔多記得...之後索性坐低傾到乙君老公現身.走咗去食全雞餐...唔係講笑o架!間嘢係專食雞o既餐廳,所以得幾款唔係雞o既食物.掛住講掛住食,連相都唔記得影.一餐飯話咁快就食完,落去超市買埋嘢就散會喇~今日真係好開心...開心到傻魚飲咗兩杯酒...唔知仲可以咁樣一齊食多幾多餐呢...乙君,傻魚真係好慶幸可以識到你.第時一有機會,傻魚一定唔會客氣去滾搞你o架喇...甲君,小心身體,唔好諗咁多喇.最緊要開心呀~