今日諗住唔出街留喺傻家執下屋.到中午同網友甲君喺網上傾咗一陣之後,就決定要去網友甲君屋企滾搞.屋都唔執就走咗出街.喺網友甲君屋企傾咗個幾鍾,網友甲君話要去還碟,傻魚就一齊去行下.出門嗰陣,網友甲君突然話想搵白頭四眼伯伯喎...兩條友就喺去還碟之前走咗去"叫雞"...嗌咗一個餐兩份食,食完還完碟就結伴去買餸.今次傻魚唔肯再入咁多貨...路經一間小超市見到個冬瓜仔...六月嗰陣買一樣大細都要五百円,依家二百五十円咋~好平呀!!!慳家婆仔上身,即刻買返個.跟住見到四個洋蔥九十二円,勁平!!!唔使諗,即買!之後又同友甲君去搵"企鵝仔",傻魚介紹網友甲君買魚翅湯.唔知啱唔啱網友甲君口味...買完網友甲君就返屋企,而傻魚就轉戰"牛牛".買咗袋冰凍大帶子,三個西柚,魚餅,豆腐,薯仔,雞翼,蒟蒻條,雞肉...結果拎到死死下...
因為食咗嚿炸雞唔係咁肚餓,再加上有個冬瓜仔...就切四份一個冬瓜仔,加埋雞肉粒,冬菇粒,蝦米同乾瑤柱仔整湯飯.清清地,好味~一路食一路流汗...快靚正,聽日再整...呵呵~
沒有留言:
發佈留言