玩葉

今日兩條傻嘢瞓到成十一點至起身.煮完個麵仔食完冇耐,傻馬竟然瞓鬼咗...又話出街...結果瞓咗兩個幾鍾,醒咗同傻魚講不如去新宿御苑...咁遲至起程,又要去單車舖入氣,去到可能閉園入唔到裏面喇...見傻馬咁想去,咪即刻起程囉...驅車去單車舖入完氣,再飛車去到都過咗四點...售票處都落埋閘,見有好多人由裏面行緊出o黎...

入唔到裏面咪喺出面玩下枯葉算囉...玩咗一陣就驅車去東急手買嘢...買完嘢行咗一陣...頂唔順...太多人喇...都係返傻家附近間超市買下餸,之後去"企鵝仔"行下算喇...原本諗住去超市買嚿瘦肉遲啲煲湯用.點知行下睇下,傻馬見到啲急凍大蠔同蜆仔,話好想食...買!兩大包...之後又話今晚餐飯唔使搞咁多嘢,買包材料返去煲...咁鍚傻魚,梗係買喇...結果買咗一大袋食物,個冰箱第一次爆咗...去到"企鵝仔",經過啲酒櫃...

傻馬:「傻魚鍾意飲梅酒喎...買呢樽仔飲下喇~」

傻馬:「不如買支香檳飲囉...呢支桃味好似幾好飲咁喎...就呢支囉...」呢支都唔係香檳...阿傻馬幾時開始咁鍾意飲酒o架?!!

傻馬:「傻魚快啲o黎睇下~傻魚最鍾意o既粟米湯粒粒呀...幾大包...好得意呀...買囉...」就係咁,又買多一大包嘢返傻家...影相嗰陣諗咗好耐要擺啲乜去做比較...結果都係用支筆算喇...真係好鬼大包...傻魚見到勁開心,起勢望住包嘢係咁傻笑...搞到成八點至記得要煮飯仔...傻馬話買乜材料一煲過?!!

咪就係おでん囉...跟住又話要飲魚翅湯喎...整囉...傻魚又想食薯仔沙律喎...整囉...結果咪...又係食唔晒囉...凈返一半おでん聽日食...咪住!!!聽日有聖誕派對喎...點算?宵夜?食到好飽,抖咗一陣,傻馬就話要買醉...

今日專程買咗啲檸檬,就係要o黎飲呢杯番茄酒.好濃番茄味,好鬼好飲...但係有成十二度,唔覺唔覺就好易醉...遲啲飲完再買!網友媽咪,若然好番茄,呢隻酒好得呀!傻馬飲咗幾啖,已經變咗個番茄~呵呵!!!