重要任務

今日去台場執行一個重要任務...約埋網友媽咪同小朋友順便去行下搵下禮物仔.十點鍾喺惠比壽同網友媽咪會合之後,搭山手線去到大崎駅轉臨海線去台場.由於太耐冇去,完全冇晒方向感,帶住網友媽咪同小朋友行咗個大運...因為太早o既關係,啲舖都仲未開門.同網友媽咪搵咗個地方坐低喂小朋友食飯仔.小朋友食完啲舖就夠鍾開門喇.平日去真係好,冇乜人,打橫行都得...周圍行咗一陣就搵間餐廳食晏喇...可能都仲係早,所以成間餐廳都冇其他客...包場呀.

食飽飽又繼續周圍行下睇下...去到今日個目標地點,傻魚就去視察下環境,拎啲資料,諗住順便訂埋位...問問下,個經理話如果喺六點半入座o既話就可以訂窗口位,過咗六點半就先到先得,未必可以畀到窗口位睇靚景喇...點算?!!要問下關生先...又關關生事?梗係!!傻魚今日個重要任務就係去幫關生訂間靚景餐廳同未來關太求婚!!!咁重要o既事,傻魚唔敢自把自為幫關生決定訂幾點...拎埋啲套餐資料就走喇.若然關生係啱o既,再打電話去訂囉...

之後周圍睇下有乜啱做聖誕禮物,睇咗好多間都睇唔啱...行到攰攰地,網友媽咪話請傻魚食下午茶...又有人請食,真係開心~多謝網友媽咪!件蛋糕好好味呀~抖完再行過,買咗兩份禮物...一份畀傻馬,另一份畀自己...跟住小朋友差唔多時候要返屋企,所以就行去搭電車喇.同網友媽咪喺惠比壽分開之後,原本諗住再戰新宿.當架車去到渋谷嗰陣,諗諗自己成日都行新宿,今日不如行下渋谷喇...咁咪即刻跳落車囉...喺渋谷行咗兩個鍾,成個人散晒...都總算買到份聖誕禮物...心意仔一份,希望收到o既人會鍾意...搭電車返傻家嗰陣咁啱係超繁忙時段,迫到傻魚暈暈哋想嘔...短短o既十分鍾車程,好似要咗傻魚條賤命咁...勁辛苦...返到傻家己經冇晒氣力...差啲煮唔到飯仔食.

冇氣冇力,求其亂整又一餐...聽日...近近地行下"企鵝仔"算喇...要回一回氣至得呀...