關生駕到

今日關生帶未來關太o黎東京玩.傻馬同傻魚成日留喺傻家等關生電話.又話十二點幾到,四點幾都仲未有電話...關生搞乜呀?原來關生唔記得喺日本打本地電話要加返個零,結果打咗幾個鍾都打唔到...關生喺四點幾o黎到傻家樓下,嗌咗幾聲都冇人應,跟住就走去附近啲舖借電話.關生終於都搵到傻馬喇...陪關生返酒店擺低啲行李之後,四人行去新宿搵食.關生今次喺日本o既第一餐食乜?仲使問咩...梗係咖哩喇...帶咗關生去中村屋,食完行街街...九點幾返散會喇.聽朝約咗十點半集合...去邊?聽日咪知囉...