"美"食

今日...傻馬"又"走去舞浜...一連去三日,影o黎影去都係嗰啲景...睇到傻魚都覺悶...所以今日唔放"靚景"喇...話說今日傻馬做嘢做到兩點幾至有得去食飯,諗住求其買個包頂住肚先...

傻馬話間麵包舖好鬼好服務...未入門口已經有三四個人喺門口迎接,跟住個經理仲親自介紹添...搞到傻馬受寵若驚,行咗入去唔買會唔好意思行返出o黎...上面呢個包係全店最平嗰個...有啲要成七百幾円...可能會有過千円o既,不過傻馬冇留意...

四點幾收工嗰陣肚餓到即刻走去搵食...呢間便當o既包裝好的骰...

睇落好似幾好味咁...價錢又唔貴喎...

傻馬買咗呢款蛋包飯食...味道唔錯...呢啲咪名副其實o既"美"食囉...

傻魚今日原本會出街整啲嘢...點知正當想換衫o既時候收到毛毛大佬o既電話,話有啲嘢想傻魚幫手喎...結果搞到天黑至做完,今日出唔到街添...傻馬七點返到,傻魚咪乍乍林煮飯仔囉...

清緊雪櫃,唔擺得o既都冇得留低...因為o黎緊三連休,傻馬會帶傻魚出遊呀~聽晚傻馬公司搞聖誕派對.傻馬話公司上上下下都冇人攜眷,所以傻魚冇份去喎...聽晚傻魚要食自己...諗下食乜先...