小遊

尋晚傻馬又唔知做乜鬼關咗廚房個窗,又焗親傻魚...仲搞到傻魚成晚瞓唔到,眼光光到天光呀...陰公...終於"捱"到今朝十一點幾至瞓到,兩點鍾就彈咗起身...之後係咁狂煲劇集,煲到神情呆滯...跟住網友甲君問傻魚出唔出去附近食西餅,茶一茶...見今日傻馬公司搞聖誕派對唔會返o黎食飯,出去食件西餅都好喎...約好四點喺車站等,跟住一齊去附近一間西餅店食下午茶...一見面就雞啄唔斷,係咁傾傾傾...住得近真係好,可以即興話出就出.今日原本一早講好會約埋網友太太,囡囡,網友媽咪,小朋友,網友初春同囝囝一齊去上野玩...可惜網友媽咪忙,再加上傻魚咁啱有啲事要辦,結果取消咗...下個星期再約過囉...

聽日開始三連休,傻馬同傻魚要出遊呀~去邊?賣個關子先...今次係豪華遊...難得傻馬肯使錢嘛...呵呵~