尋寶

尋晚逛完街得返半條魚命,未到一點已經攤咗喺張床度暈咗...瞓到今朝九點幾自動彈咗起身...周身酸痛,好似擔完幾百斤泥咁...食完個早餐,成朝就係咁攤喺度...之後同傻馬傾咗一陣,見關生現身,即刻搵關生傾埋訂餐廳啲嘢.傻魚介紹另一間喺新宿o既餐廳畀關生,靚景食物正但係貴...最終關生聽取傻魚o既意見,決定訂新宿.諗住即刻出去幫關生訂位,後來發現間餐廳正值落場時間,要等到五點後至可以去...五點天都黑齊,唔想行咁遠喺條街度同人迫...都係星期一去訂...之後出咗去買餸,尋下寶...搵唔返之前食過覺得好好味o既炸墨魚餅...不過就見到其他好似好好味o既冰凍食品.入咗啲貨以備不時之需...

返到傻家覺得好肚餓,所以今晚早啲食飯...

今日尋到寶!呢個炸他他醬魚块好好味~叮咗兩件o黎食,仲有四件...下次要再去入返至得.聽日試下其他嗰啲先...