叮一聲...

今日原本要去上野買大餃子...點知掛住上網幫關生搵餐廳,天開始黑至記得要出街...結果...大餃子幾時都有得食,都係關生o既終生幸福重要啲...上咗成日網,對眼好攰...之後掛住同網友傾偈,傾到唔願煮飯仔...

今日又亂o黎,想食乜就擺乜落鑊...一路煮一路諗嘢,結果落多咗鹽,咸咗啲...不過送飯好味!食食下飯,突然叮一聲!呢一年,唔知點解,完全唔係自己...成日過份緊張,過份執著,鑽牛角尖...唔係緊張自己啲嘢,而係過份緊張人哋嗰啲...依家,成個人輕鬆晒.今晚應該好好瞓.聽日又有得去玩,真係開心~呵呵!傻馬終於定咗後日返東京,超開心...食埋聽晚,之後就有人陪傻魚食晚飯喇!好嘢!!!各位親愛的網友,請放心...平日傻魚會街照去,茶照飲,小朋友照玩!嘩咔咔咔咔~