臭豆腐

今日傻馬又去舞浜個客度...又走咗去附近影相...

傻馬話同香港嗰間一樣喎...香港邊間啫?!!

今次係日頭影,感覺好唔同...

好似係賣茶葉o既舖...

傻魚今日就走咗去原宿幫關生買嘢,之後行咗去渋谷買啲嘢.睇睇下嘢,傻馬打o黎話早收工喎...叫傻馬返咗傻家先,跟住乍乍林買完嘢就走人...買咗乜?自從傻馬返咗傻家之後,傻家經常成地都係衫同書...傻魚見到就嬲呀!話傻馬,傻馬凈係識笑...激死!!!所以今日就買咗個衣架畀傻馬掛起啲外套同條返工褲...咁咪唔會周地勢囉...返到傻家即刻煲落煲湯先...跟住傻馬話要出去書店買書喎...咁傻魚咪自己搞個衣架,執下屋囉...傻馬返o黎畀咗三本烹飪書傻魚...吓?點解呀?係咪傻魚煮嘢難食呀?唔係...原來傻馬見傻魚成日買烹飪雜誌,見公司畀錢買書咪順手買幾本畀傻魚囉...咁都得...

難得傻魚今日咁勤力,諗住整兩餸一湯o架...可惜之前傻魚懶得滯,搞到要送嚿臭炸豆腐畀隻死嘢垃圾桶...結果咪又一鑊過,跟住喺冰箱摷啲後備食品叮囉...