偏頭痛

今日傻馬冇返公司,去咗舞浜個客度做嘢.收工臨走之前去咗附近個商場行下...

迪士尼就喺隔離,個商場裏面就梗係有米奇同米妮喇~

燈飾好靚呀~

仲有傻魚至愛o既熊仔...朱古力店...

傻魚今日做咗乜?咪又係乜都冇做過囉...今朝傻馬起身嗰陣覺凍,關鬼咗廚房個窗,出門口嗰陣唔記得開返...結果焗親傻魚,今日成日都偏頭痛...食咗兩次特效都冇用...瞓又瞓唔到,勁慘...應承幫關生去原宿買嘢,結果都係冇去到...之後仲要等極傻馬都唔返...魚肚仔又餓,魚頭仔又痛喎...痛到傻馬返o黎,梗係炸傻馬型喇...

求其煲個雞釜飯,炒個菜,切個火腿仔,再將尋晚嚿煲湯瘦肉搣絲...咁又一餐...難得傻馬冇投訴,懶得就懶嘛~食完餐飯,可能有啲暖嘢落肚,個頭冇咁痛喇...聽日去街街先...呵呵~