蛋白質

要開始過返啲"正常啲"o既生活喇...食咗幾日麵包做早午餐,係時候食下其他嘢.早餐因為唔想太晏食,所以就食咗個杯麵.浸定啲黑豆...

煲咗煲黑豆粥.食咗半煲,留返一半聽日食.加個白飯魚炒蛋...好似太多蛋白質添...

晚餐煲咗煲"奶奶靚湯",燒咗塊三文魚,炒咗碟蒜茸蝦球炒油菜心,加個三文魚子冷奴...三餸一湯,加埋碗燕麥米飯...今日真係太多蛋白質...要再調節下至得...
下晝終於停咗雨,等埋傻馬收工返o黎即刻洗咗一機深色.聽日難得放晴,聽朝再洗一機淺色先...