講講酒店先...出發前一日至搵,所以冇乜選擇.
第一晚住茅野駅徒步四分鍾o既ホテルわかみず.
七千五百円一間雙人兩床房.
第二晚住松本駅徒步十二分鍾o既池田屋.呢間酒店有門限,大門十二點就會關上.
雙人床房
八千四百円.兩晚酒店都係冇跟早餐.
講下三日行咗幾多步先...第一日行咗一萬四千五百八十六步,消耗咗五百四十五卡路里.可惜一個晚餐即刻返晒o黎...第二日行咗一萬六千九百九十八步,消耗咗六百二十四卡路里.又係一個晚餐返凸嗰隻.第三日行咗一萬八千六十七步,消耗咗六百零一卡路里.呢日係唯一一日有減到o既...今朝一上磅,重過未出發前呀~(泣)
使咗幾錢?計下先...酒店兩晚加埋要一萬五千九百円.來回特急就要一萬三千四百二十円一個人,兩人就要二萬六千八百四十円.巴士兩條友總共搭咗二萬円,太貴喇~.兩條蛀米大蟲食咗一萬六千六百六十五円,勁!.手信買咗二千八百七十円.而其他如儲物櫃就用咗一千二百八十円.今次總共用咗八萬九千一百五十五円.太金喇!!!下次要慳啲至得!!!
沒有留言:
發佈留言