儲肥行動

傻馬今日又早收工.一返到o黎就笑到古古惑惑咁話買咗啲好得意o既嘢畀傻魚.仲諗住係熊仔之類o既毛毛玩具...點知...

食得o既...仲要係有驚喜!!!傻馬話傻魚應該會鍾意,所以買返o黎畀傻魚食.聽完真係由心笑出o黎呀~

左邊係炸雞柳,右邊係炸雞飯團.炸雞柳雖然好味,但冇乜特別.而個炸雞飯團就好好味.一路食一路叫傻馬下次經過一定要再買.

傻馬另外仲買咗件舞茸乳蛋餅.呢件嘢麻麻地,因為傻魚唔鍾意啲舞茸味.都係菠菜好味好多.
傻馬究竟有乜居心?!!明知傻魚減緊肥,仲買咗多咁好味o既食物返o黎...咁食法,想瘦都幾難!!!返而傻馬自己就食極都唔肥.傻馬食完,就肥落傻魚度!好唔公平呀!!!
正話有人送嘢o黎...

係上個星期上網買o既...

好得意o既貓貓土鍋呀!!!

六號土鍋,午餐要o黎煮即食麵或煲少少粥仔,啱啱好!正!!!
另外,星期日食完餐湯咖哩之後經過見到...

買咗返o黎擺咗喺冰箱,今日終於記得拎返出o黎解凍...

好似好好味咁喎...

係抺茶芝士蛋糕.直徑大概六吋倒,唔係好大個.一千六百八十円,可以接受.芝士味唔係好重,仲食到抺茶o既味.唔錯~一人食咗四份一個,好飽!!!
再咁食法都真係唔係辦法.傻馬,唔該唔好再儲肥傻魚喇...