紅葉之旅在長野(二)上高地

尋日攰得滯,但係都搞到十一點幾至瞓.今朝七點起身,食完個早餐執埋啲嘢就退房起程.
搭電車去松本駅,又用三百円擺低啲行李入儲物櫃,然後再搭半個鍾電車去新島々駅,再轉一個鍾巴士去上高地.
由松本駅到新島々駅再到上高地,來回一人四千四百円...好貴!可以喺松本駅部機度買或先買六百八十円電車飛到新島々駅出閘前個窗口度買,會扣返之前嗰程電車o既錢.如果只係想買單程,單程要二千四百円.宜家係旺季,去到一定要先去拎返張回程o既乘車劵.如果唔係回程會冇位.

去到已經好鬼暈.拎完回程張乘車劵,即刻搵個位坐低食返件三文治先.

食完又o黎"筋肉擂台"喇...

尋晚天氣預測話會落雨,但係見到太陽喎...

條路冇尋日咁"山"...

向大正池出發~

一段山路...

沿河...

仲有二點四公里...

仲未係最靚o既時候...

條河都幾急下...

想像緊最靚o既時候會係點...

冇時間休息...

好天氣...

不過都幾大霧...

尤其是山頂...

幻想自己住喺度,何其舒服呀!!!

果然係名勝...

好多人...

o黎緊應該會更多人...

繼續行...

山路有時都未必難行...

又行返出河邊...

河邊景色真係好靚...

今日雖然有太陽...

但氣溫都唔算高...

嘩~

太鍾意呢度喇~

真係好靚呀!!!

錄返段片先...

田代池...

靚到呀...唔想走添...

但係趕時間...

繼續行...

終於...

到咗喇?!!

呢度係大正池?!!

原來...

係未到o既...

咁啫係話...

仲要繼續行...

已經行咗個幾鍾...

好攰呀!!!

但係...

咁靚,值o既!!!

行多十幾分鍾...

今次真係...

到喇~

大正池

正呀!!!

山上嗰條會唔會係滑雪道?

好想就咁住喺度...

人間仙境~

鴨鴨都話係呀!

可惜...

仲要趕下一個景點...

去搭巴士...

返總站...

行另一邊...

話咁快就到...

今日真係好多人...

再遲少少會仲靚...

間酒店唔知係咪只有五千尺咁大呢?

肚餓...見到間咁得意o既餐廳...

梗係要入去幫襯下...

坐一號枱...

叫咗個山賊定食,好好好好好緊要好味呀!!!

一定要到o既河童橋.

食飽即刻去行下.

太陽開始落山...

氣溫不斷咁跌...

開始覺得凍喇...

另度冇尋日嗰度咁高...

入去使下錢先...

係時候行返轉頭...

好唔捨得走呀~

越o黎越少人...

好多人都行緊返總站...

下次幾時會再o黎?

依依不捨...

搭巴士返新島々駅,再搭電車返松本駅.拎返件行李,先去酒店擺房.由於冇時間印酒店張預定票,所以冇地圖.結果差啲迷路...好在記得個大概位置,行遠咗...攞完房都已經七點喇...返房休息咗一陣,叉下相機電,又係時候出發去搵食.經商量後,決定去便利店同超市買便當返酒店食.

傻馬個蕎麦烏冬...

好味雞鎚仔,可惜唔熱...

傻魚個燒飯團.

傻馬個吞拿魚同中拖羅刺身.

傻魚個雑菜煲...

再加個什錦天麩羅...

另外仲有咸o既黑芝麻丸子...

飯後甜品有鮮什果蛋糕卷...
兩條友好似生咗積咁,食晒喎!!!傻魚個頭痛到爆,又係時候畀佢休息下至得...仲有聽日...又係行山...救命呀!!!