好"煮"意

新開咗一個分類-好煮意,要o黎記錄自己煮咗啲乜.睇返以前啲餸,發現原來自己都整咗好多唔同o既嘢.有好多係亂咁o黎,但味道都可以接受.唔知整乜好o既時候,可以重溫返攞下"靈感"或返兜.傻魚唔係"大師級",只識亂咁o黎,所以唔係亦唔識教人煮餸.
今個星期都幾認真煮.
星期一(十月四號) - 奶油烤菜

材料: (汁)-牛油,麵粉,黑椒粉,芝士,鹽. (料)-長通粉,西蘭花,黃燈籠椒,紅椒,雞扒粒,芝士.
星期二 (十月五號) - 即食米粉同即食麵

傻魚o既...材料: 福米,大豆芽,瘦肉,生菜,腸仔,即食雞扒仔.

傻馬o既...材料: 泰國酸辣麵,大豆芽,瘦肉,生菜,腸仔.
星期三 (十月六號) - 兩餸一湯

奶奶靚湯-豆豆湯,椒鹽魷魚鬚...

魚香茄子-材料: 大米茄子,紅椒,肉碎,辣豆瓣醬.(已經警告咗傻馬話唔好再買大米茄子!因為傻魚唔識處理.)
星期四 (十月七號) - 兩餸兩湯

隔夜奶奶靚湯,韓國辣豆腐湯,椒鹽豆腐,有營三色菜-材料: 西蘭花,黃燈籠椒,紅椒,雞扒粒,炸腐皮絲.
今日 - 魚湯粉絲

傻魚o既...材料: 魚湯寶,菠菜,肉碎,腸仔.

傻馬o既...加多一嚿即食雞扒仔.
聽日要"出油",加上傻馬間唔中又搬啲嘢返o黎,所以呢幾日都冇去入貨.啱啱好清晒啲材料,凈返啲生果.三日啫...應該冇問題.