湯咖哩

賞完花,搭咗成個鍾電車返到池袋,個肚餓到組咗個交響樂團...食乜好?呢個問題梗係要交畀最麻煩o既傻馬喇...傻馬由"街頭"行到落"街尾",都仲未揸定主意要食乜...結果就"順"傻魚意,去食咖哩.

傻魚就係畀呢個櫥櫃吸引...

日本咖哩,個汁一般都係比較糊,傑傑地.但係呢間咖哩店啲咖哩汁係稀o既咖哩湯,但係個湯啲咖哩味好濃郁.呢間咖哩店發源地係札幌.

傻魚叫咗個雞髀咖哩.

傻馬要叫個芝士漢堡咖哩.
兩條友都叫辛口,少少辣.傻馬覺得冇乜特別,亦話食唔出有乜唔同.但係傻魚就好鍾意,冇一般日式咖哩咁"重".比較接近印度咖哩,只係少咗啲香辛料味.有機會都會再返兜.